पुणे : टिळक रस्त्यावरील महाराष्ट्र विद्यार्थी सहायक मंडळ संचालित अशोक विद्यालय व कनिष्ठ महाविद्यालयाच्या विज्ञान शाखेचा निकाल १०० टक्के लागला आहे.
यावर्षी बारावीच्या परीक्षेला महाविद्यालयातून ३११ विद्यार्थी बसले होते. त्यापैकी सर्वच्या सर्व विद्यार्थी उल्लेखनीय गुण मिळवत उत्तीर्ण झाले आहेत. ३११ पैकी १७५ विद्यार्थ्यांना ९० टक्क्यांपेक्षा अधिक गुण मिळाले आहेत. महाविद्यालयाच्या या यशाबद्दल संस्थेचे सचिव डॉ. विकास आबनावे, चेअरमन सुमन घोलप, उपाध्यक्ष पी. डी. आबनावे, प्रसाद आबनावे, प्रथमेश आबनावे, पुष्कर आबनावे यांनी कनिष्ठ महाविद्यालयाच्या प्रमुख रेखा दराडे, वर्गशिक्षिका नीता गुमास्ते, वंदना अनारसे, मंगल क्षीरसागर, ज्योती हिरे यांच्यासह सर्व शिक्षक-शिक्षकेतर कर्मचाऱ्यांचे अभिनंदन केले.
‘गेल्या पाच वर्षांपासून सातत्याने अशोक विद्यालयाने उल्लेखनीय कामगिरी करीत शंभर टक्के निकालाची परंपरा कायम ठेवल्याचा आनंद वाटतो,’ अशी प्रतिक्रिया संस्थेचे सचिव डॉ. विकास आबनावे यांनी व्यक्त केली.